احنا
فيييييين؟!!!!!
مصر ام الدنيا بلد الحضارة ..
انا الان بصدد الحديث عن كارثة كبيرة لا يتحملها
احد حدثت فى مصر ام الدنيا .... كارثة دولة السلام ( عبارة السلام 98)...... مصر
التى اصبحت مؤخرا فى يد حكومة البيزنس اى حكومة الوزراء رجال الاعمال .... و ما
الغريب فى حكومة البيزنس اذا كان كل ما فى البلد و مازال يدخل فى موجة الخصخصة و
تقريبا لا يبقى سوى الناس او الشعب اللى فاضل و لم يتم خصخصته... و لا مالوش لزوم
!!! اصل الناس ببلاش دلوقت يعنى مالهمش لزمة ... يبقى يخصخصوهم ليه و الكيلو منهم
دلوقت بقرش.
لا حول و لا قوة الا بالله ....... انا لله و انا اليه راجعون.....
كل مصرى عنده احساس و مشاعر سمع و قرى عن كارثة العبااااره اللى غرقت على مقربة من
مينا ضبا السعودى و عرف عدد شهداء تلك الموقعة الرهيبة فى ميا ه البحر الاحمر ....
الشهداء اجرا بتصريح موثوق فيه من فضيلة المفتى الدكتور على جمعة ... ابشروا يا
اهل كل من راح فى تلك الحادثة... اهلكم و زويكم و ابنائكم شهدااااء.... فى
الجنة مع الابرار باذن الله .
هذا قضاء الله و لا خلاف عليه و لكننا فى هذا البلد...... الى متى
سنظل هكذا؟ كارثة وراء كارثة و تمر مرور الكرام بعد حملة اعلامية و استنكار
للاهمال و التسيب و يمر الوقت وننسى... و
كاننا لا يهمنا الف او الفين او تلاته من المصريين يموتوا..... ماهو احنا كتيير و
البشر عندنا زى الرز فيها ايه لما يروح منا شوية فكة.... لا حول و لا قوة الا
بالله...
قطار الصعيد - طائرة شرم الشيخ - عبارة الموت ..... الخ الخ
اين الحساب للمقصريين؟ و اين الرادع لهذا الاهمال ؟ و متى سوف نصبح
دولة لا يحارب فيها المواطن فى ابسط حقوقه فى الحياة و هو اعادة حقه و ردع من يتاجر بحياته ويتلاعب به و كانه
شىء يستفاد منه و لكنه لا يفيد فلا قيمة له ....
صاحب تلك العبارة اللعينة هو السيد / ممدوح اسماعيل واحد من ضمن عشرة
تم اختيارهم من قبل الرئيس للعضوية فى مجلس الشورى!!!
و يعد من اغنى رجال الاعمال فى المنطقة !!!
و بدون الخوض فى تفاصيل حياته الشخصية الرااااجل ده مهما قال او قيل
عنه هو المسؤول الاساسى عن تلك الكارثة تعالوا نشوف لييييه!!!
اولا : السفينة عمرها يزيد عن عمرها الافتراضى بحوالى 22 سنة!!!! و
ممنوعة من السفر الى الموانى الاوروبية على الرغم من تصريحات السيد ممدوح المسنوود
بان هذا غير مظبوط و ده للاسف لان سيادته معاه مستندات قانونية و اوراق سليمه 100%
من الشركة الايطالية المكلفة بالصيانة و الكشف على سلامة السفن ( شركة رينا) التى
مازالت تقاضى من اجل ناقلة البترول المالطية (اريكا) التى انشطرت الى نصفين منذ ست
سنوات و مع انها كانت تشرف على فحصها و صيانتها !!!! شركة رينا الايطالية التى قال
عنها قبطان بحرى فى احد البرامج التليفزيونية على الهواء و هو قبطان يعمل فى البحر منذ اكثر من ثلاثين
عام انها شركة يمكنها ان تعطيك كل ما تريد من اوراق تؤكد سلامة السفن مقابل اجر
اكبر او مبالغ اكبر بمعنى اخر مقابل الرشاااوى اللى تندفعلهم ممكن بالحرف الواحد
زى ما قال القبطان يعملوا لصاحب الشركة عشة فراخ فوق العبارة لو طلب... يزودوا بدل
الدور اتنين اذا طلب ..... ما هو بيدفع... و اللى بيركب مش مهم... ما هو اللى
هيركبها عرب... مش مهم!!!
و الادهى من كده ان هذه الشركة معترف بيها دوليا و تلك الشركة يلجا
اليها معظم اصحاب السفن للتسهيلات التى يطمعون فيها بدلا من ان يتم تكهين السفن و
وقف حالهم.
العبارة زى ما حكى شهود
العيان كانت بتولع بعد ما انفجرت الغلايات و غرفة المحركات وكل ما الركاب يستنجدوا
بالطاقم و القبطان يقولوا مافيش حاجة !!!! و كانهم توقعوا استحالة غرق السفينة
لانها من كوكب تانى محركاتها تولع و تظل ماشية فى البحر على ارتفاع اكثر من 750 متر عن قاع البحر !!! الركاب
يقولوا للطاقم اعملوا حاجة ... و اقصى ما عملوه زى ما قال الناجيين و كذبهم السيد
ممدوح اسماعيل كانه كان معاهم وشايف اللى حصل !!!هو ان القبطان اتصل بالشركة فى
حوالى الساعة العاشرة مساء عند اندلاع الحريق فى البداية و ابلغهم انه يبعد عن
ميناء ضبا بتلاتين ميل و بينه و بين سفاجا 60 ميل فتلقى تعليمات من الشركة بمواصلة
الرحلة و عدم العودة الى ضبا و الغريب ان
صاحب الشركة انكر ذلك ايضا.
الاغرب ان السيد المحترم ممدوح اسماعيل انكر و مازال ينكر اى شائعات
او حقائق تتعلق بالتقصير من قبل الشركة و
كانها شركة كما فى الاساطير الافلاطونية مثالية و لا قصور فيها.
الرياح و الامواج كما قال خبراء الارصاد بالفعل كانت شديدة و لكنها
ليست بالقوة التى تتسبب فى غرق عبارة كهذه... و لكنها من وجهة نظر الكثير يمكنها
اغراق عبارة متكهنة عمرها 37 سنة تعمل بموتور موديل عام 71 (فيات 71) و اجهزة
لاسلكى و استغاثة اكد احد العاملين بالشركة انها تالفة و لا تعمل بصورة جيدة و
بانهم قد طالبوا بصيانتها اكثر من مرة و الشركة كانها ولا يهمها شكاوى او غيره ودن
من طين و ودن من عجين!!! و الكلام ده قاله بالفعل موظفين و ظباط و بحريين بيعملوا
فى الشركة( و شهد شاهد من اهلها) يعنى الشركة فيها قصور شديييد جدا و اهمال و
تسيب مع انها مسؤولة يوميا عن ارواح
الالاف و لكن الاف العرب غير الاف الاوربيين .... السفن السليمة يشغلوها بره و
اللى تطلع معاش يبعتوها للعرب لان الواحد منهم بقرش انما الاوروبى غالى و تمنه
فيييه!!!
فى اوروبا بيخافوا على بعض و بيحترموا روح الانسان و كرامته و احنا
الانسان فى بلدنا الجنيييه اغلى منه...
كلام كتييير و قصص تشيب الناس قريتها و سمعتها عن الضحايا و السيد
ممدوح بيتكلم عن تعويضات الضحايا !!!! تعويضات ايه و الناس راح منهم اعز اهلهم و
اصحابهم ..
لن يهدا الناس و لن تبرد نارهم لان المهم هو معاقبة المسؤووول مهما
كان و مهما كان منصبه و لكن للاسف احنا فى مصر بلد البيزنس و الكبار فقط لهم الحق
فى اى شىء طالما ورقهم قانونى بالرشاوى بالفساد باى حاجة المهم انه معاه ورق
قانونى.... جابه منين وازاى مش مهم.
و الناس مشغووولة و ملهيه فى مونديال افريقيا و كان حالهم وقف و
مشاكلهم اتحلت ومش فاضل الا الكورة.... مبروك لمصر و يا ريت الناس تفرح بس ماتفرطش
فى الفرحة لان الايام دى احنا فى ماساااة و اسلامنا بيهان و رسولنا صلى الله عليه
وسلم بينشر رسومات تسيء اليه و كل اللى
بيطغى على مشاعرنا الكورة و المونديال .
( انا لله و انا اليه راجعون و حسبنا الله ونعم الوكيل)
مصطفى سعد
هندسة اسيوط
darsh_korpov
darsh4site@yahoo.com