أيمن وتامر

- صدر الحكم في قضية د/ أيمن نور رئيس حزب الغد بالحبس المشدد عليه لمدة خمس سنوات بتهمة التزوير .

- صدر الحكم في قضية المطرب / تامر حسني بالحبس لمدة سنة مع إيقاف التنفيذ .

- تخيلت أن تامر قام بزيارة أيمن نور في السجن ودار حديث بينهما :

· قال تامر : إزيك يادكتور أيمن .. عامل إيه ؟؟

· قال أيمن : الحمد لله .. أيوه ياعم طلعت براءة من تهمة التزوير .

· قال تامر : إيه يادكتور .. هو نظام " قر " ولا إيه ؟؟

· أيمن : أنا مش بحسدك ولا حاجة .

· تامر : أنا طلعت براءة علشان ماشي جنب الحيط – ولكن إنت عامل فيها سياسي وعايز تبقي رئيس جمهورية – إشرب بقي .

· أيمن : مش هما اللي قالوا أي حد يمكن أن يرشح نفسه رئيس جمهورية !!

· تامر : لكن المفروض يادكتور إنك تشغل عقلك شوية ...مش كل اللي يقولوا عليه تصدقه

· أيمن : ياريتني ماكنت رشحت نفسي للرياسة – وكنت فضلت في مجلس الشعب .

· تامر : إنت لا طولت عنب الشام ولا بلح اليمن – بل بالعكس هاتاكل عدس .

· أيمن : أنا نفسي أعرف إنت طلعت براءة إزاي – إنت تهمتك تزوير وأنا كذلك كما قالوا ولكن

أنا لايمكن أن أكون مزور لسبب بسيط – لو أنا زورت فعلاً ليه وافقوا علي إقامة الحزب

المفروض ما تم علي باطل يبقي باطل ويلغوا الحزب .

حسبي الله ونعم الوكيل

م/ أحمد ممدوح