جروبى والأنتخابات

رحت جروبى وطلبت قهوة مضبوطة وكان يجلس بالترابيزة التى بجوارى شاب وشابة – وسألني الشاب هو النهاردة أيه قلت الخميس والساعة دلوقتى كام قلت الساعة 11.20.. شكراً لك...

- سمعت الشاب بيقول شفتى يا أنجى اللى حصل فى الأنتخابات – تتصورى الحكومة والبلطجية بتضرب الناس اللى بتحاول تدلى بأصواتها لصالح فئة معينة – والأكتر من ذلك بتقتل اللى بيحاول يدخل اللجان .

- قالت إنجى ياعلى بلاش تتجنى على الحكومة لأن الشرطة بتقوم بالتنظيم فقط واستعانت بالبلطجية عشان يبقى فيه مساواه .

- فقال على هى الشرطة تقتل يبقى هوده النظام - عموماً الحكومة اللي عايزاه بينجح واللي مش عايزاه بيسقط وإسألوا المستشارة نهي الزيني .

- قالت أنجى يأخى الحكومة كويسة حلت مشاكل كتيرة ( البطالة – الأسكان – المواصلات – الفقر – الصحة ---- )

- فتدخلت فى الحديث وقولت أنتى نسيتى أهم حاجة وهى مشكلة زيادة السكان – الحكومة إذا كانت بتقتل الناخبين فهى بتحاول أن تحل مشكلة الأنفجار السكانى بدلاً من حسنين ومحمدين أو أنظر حولك .

- فقال على عليك نور يا جدو أنت بتفهم فى السياسة .

- فقلت ياعم على عيب عليك أنا مش جدو – أنا لسة شاب روش طحن – أنا رايح أجيب أبنى من الحضانة كمان شوية .

- فقال على أنت راضى على بيعمله الحزب الوطنى فى الأنتخابات

- فقلت يا على الناس فى الحزب الوطنى دول ناس طيبين وغلبانين بلاش كلام فى الأنتخابات بقى – هو أنت جايب أنجى فى جروبى عشان تكلمها فى السياسة – ياأخي قول لها كلمتين حلوين أو نكتة وأطلب حاجة تشربها أو لبشة قصب حتى ...

- فقال على عندك حق ياجدو (كان فى واحد صعيدى مرشح نفسة وسقط فخطف إبنه وطلب من أهلة فدية ) فضحكت إنجى – وقلت أنا دى نكتة بايخة
( لأن أنا صعيدي ) .

م/ أحمد ممدوح