مذكرات طفل مشاغب

الساعة 8.30 ص	إصحى من النوم علشان نروح الحضانة. بابا ها يتأخر عن الشغل ، اصحى بقى
الساعة 8.40	ادخل الحمام يامحمد. خلّص بقى
الساعة 8.45	تعالى يامحمد البس هدومك
الساعة 8.50	تأكل سندوتش ايه ؟
الساعة 9.10	خلص السندوتش بقى وأوعى يقع منك فى الحضانة
الساعة 9.20	مريم فى الحضانة باستنى وقالتلى عايزين نتجوز. الميس قالت عيب يا ولاد لما تكبروا.
الساعة 11.30	أنا راكب العجلة وبلعب فى المراجيح
الساعة 11.50	وقع السندوتش منى على الأرض
الساعة 12.10	حصة الدين هربت منها لأن الشيخ بيزعق فى الأطفال
الساعة 1.15	أنا قاعد أحكى لأصدقائى عن طنط عبير ماما يارا حبيبتى
الساعة 2.30	بابا وصل وها يروحنى البيت
الساعة 3.15	باكل الغدا وأنا راكب العجلة
الساعة 3.55	لسه باتغدى وأنا راكب العجلة
الساعة 4.30	دخلت أنام
الساعة 7.45 ليلاً	صحيت من النوم
الساعة 8.15	باتفرج على التمثيلية
الساعة 9.00	ماما قالتلى تعالى نذاكر الحروف والأرقام وأنا بحاول أعترض
الساعة 9.30	ماما قالتلى أكتب حرف N كابيتال والـ n سمول وأنا بقول لها مش عارف
الساعة 9.35	ماما ضربتنى علشان حرف N
الساعة 10.00	خلصت مذاكرة وفتحت الفيديو علشان أتفرج على ميمون وبومبا
الساعة 10.45	تأكل ايه يا محمد "هامبورجر ولا مربى"
الساعة 12.00	انت لسه ما خلصتش الساندوتش يا محمد ده
الساعة 12.45	تعالى نخش الحمام علشان ننام
الساعة 1.15	دخلت فى النوم
الساعة --	انتو منتظرين ايه تانى !!
	م/ عبد المعز حجازى