شعب ينرفز

ــــــــــــــــــــــ

· إحنا شعب بنشغل نفسنا بحاجات أكبر من ان نفهمها ، شعب يعيش 75% منه تحت خط الفقر ، لايجد قوت يومه – ونقول عايزين كثيراً من الديمقراطية هو إحنا كنا نحلم بأي شيء منها .

· إنتوا شفتوا رئيس الوزراء لما قال إن الديمقراطية أكبر من أن يفهمها الشعب المصري علي مرة واحدة – أي ديمقراطية أو حرية أو أي مظاهرات سلمية إحنا عايزينها – صحيح شعب ينرفز .

· إحمدوا ربنا إن السماء منحتنا عباقرة أفذاذ أنتجها النظام الحالي فمثلاً :

1- أحسن ترزي في التاريخ لتفصيل القوانين يجلس علي عرش مجلس يقولون أنه يمثل الشعب وأمامه كورال جماعي يغني النشيد القومي (♫موافقون ♫موافقون ♫)

2- رئيس وزرا وكوكبة من الوزرا بيركبوا عربيات فارهة بميزانية حوالي مليار جنيه ويمشون في الشوارع ويخرجون ألسنتهم .

3- أصحاب أيادي بيضا من نواب قروض ونواب مخدرات ونواب تجنيد – إلي شركات توظيف الأموال .

4- الحاج بتاع الزراعة ( الذي ألف موسوعة " الميسرة في تهريب المبيدات المسرطنة )

شوفتوا كل النعم اللي إحنا عايشين فيها – بصراحة إحنا شعب ميستحقش كل النعم دي اللي جابها لنا النظام الحالي – بلاش ياجماعة استفزاز ونقول عايزين ديمقراطية .

قولوا ورايا ( يسقط الاستقلال – يسقط الاستقلال )

م / أحمد ممدوح